Al-Arab Blog - مدونة العرب
٢٠٠٥/١١/٢٨
تخريفة مساء رمـادي مقلم بخطوط طوليـة أسود من قرن الخـروب
تخريفة مساء رمـادي مقلم بخطوط طوليـة أسود من قرن الخـروب
بقلم: الدكتور أحمد يونس
القاهرة عشية تركيب طقم أسنان جديد
نوفي لما يسمى خطأً بالصحف القومية
تحذير هام
أي تشابه بين شخوص أو أحداث هذه التخريفة مع الواقع, أمس أو اليوم أو غداً, ليس أكثر من محض مصادفة, ولا يدل إلا على سوء النية لدى صاحب الافتراض...!
سين على مكتبه شارد الذهن, وهو ينظر إلى خياله على صفحة المرآة بإعجاب شديد, بينما يقترب صاد على أطراف أصابعه, وهو يلهث, حاملاً فوق رأسه وظهره وصدره وكتفيه مجموعةً ضخمةً من الزكائب الممتلئة عن آخرها بالملفات.
سين: إيه ده يا صاد؟ إنت خلاص حتهاجر؟ كل دي فلوس ناوي تهربها!؟
صاد: أهاجر مين يافندم!؟ أنا مع سـيادتك هنا لطالون.
سين: أمال إيه الزفت اللي انت شايله على دماغك ده؟
صاد: أوراق جاي اعرضها على سيادتك.
سين: إكتب مش موافق. حاكم انا ـبصراحة كده يا صادـ اتخنقت منك! يالله اجري دخلها هناك عند جيم في الجاكوزي! يمكن يحتاجها! إتحرك بقى يا صاد ما تبقاش لطظانة امال!
صاد: الأوراق ديه بالذات, لازم سيادتك شخصياً تبت فيها!
سين: أكلشيه الإمضا الرسمية بتاعتي عند جيم! فاكر فين الجاكوزي؟
صاد: ما ينفعش يافندم. الجورنالجية مِستنيين برة على نار!
سين: تاني يا صاد الجورنالجية!؟ ما تجيبليش سيرتهم!
صاد: الجورنالجية برضه فيهم عناصر مش بطالة!
سين: كام؟ السبعة تمانية اللي بنعلفهم دولارات, وسايبين لهم أنجر الفتة بحاله, يلغوا فيه على كيف اللي خلفوهم, لما بقى كرش أفقر واحد فيهم شايل مليارات. وبعد ما كانوا بيشحتوا سجاير من عمال المطبعة, بقوا بيهادوا بالعربيات الرولس رويز والمرسيدس!؟ قصدك على دولم, ولا العشرين تلاتين اللي نازلين زُنَب في السبعة تمانية, علشان يزيحوهم ويقعدوا مكانهم!؟ النصيبة في الأغلبية المنحرفة! إدعي يا صاد ربنا ياخدهم يا شيخ ويريحنا منهم! قادر يا كريم, هم وبتوع كفاية وقناة الجزيرة في يوم واحد! وعلى البيعة يوسف شاهين ومخيون ومحسنة توفيق وخالد يوسف والكل كليلة! ما تدعي يا صاد!
صاد: اللهم آمين يا رب العالمين!
سين: اللي ما فيه حاجة بتحوق فيهم! عُلَق, ورقعناهم! بنزين, ودلقنا في عينيهم! لقمة العيش ما بقوش لاقيينها! هدومهم قطعناها على النواصي! ما رحمناش مخلوق! بنات! ستات, عريناهم في عز الضهر الاحمر ! تشريح بالمطاوي! قنابل مسيلة للدموع! خراطيم ميه ورغاوي! عصيان سادة, وعصيان بالكهربة, وبلاوي متنقية جاية بشوكها من أمريكا, وهراوات آخر موديل فشر اللي شركاءنا في السلام بيضربوا بيها الفلسطينية! مافيش فايدة!
صاد: عالم جبلات بعيد عن سيادتك!
سين: خمسميت ظابط في لاظوغلي شغالينـ الله ينورـ تلفيق تهم, على كل لون يا بتستة! إشي آداب ومخدرات وتزوير في أوراق رسمية, دا غير تعريض السلم الاجتماعي للخطر والإثارة والتجمهر والتظاهر والتحريض على قلب نظام الحكم, وِشي ازدراء للسادة المسئولين وتريقة وتفتيح عين في كُبارات البلد! إيه ده يا جدع!؟ إيه ده!؟ أنا تعبت! داحنا لو بنحارب الصين الشعبية كان زمانها خلصت! ودول أبداً! فاضل إيه ما عملناهوش؟ عيال بلطجية رد سجون ـزي الفلـ نزلوا فيهم بالسِنج والجنازير! نسوان مسجلة آداب على أعلى مستوى, بالمَيت عشرين سابقة من اللي قلبك يحبها, فرشوا لهم الملاية وهاتك يا رزع بالروسية! أنا برضه بشر يا صاد! لحم ودم. مش ملاك عشان استحمل ده كله!
صاد: 24 سنة يافندم, وهم كاتمين علىنفسنا! 24 سنة × 12 شهر × 30 يوم! لأ, وفيه ستة منهم سنين كبيسة! يعني 366 يوم! كل سنة, نقول لسيادتك: معلش يافندم! اصبر عليهم كمان شوية! جايز يحطوا في عينهم حصوة ملح ويغوروا في ستين داهية! 24 سنة على قلبنا! يا ساتر! الإنسان منا لازم برضك يكون حسيس! ما يبركش كده على صدر البلد لغاية ما يفطصها!
سين: يا أخي أنا باستعجب! الناس دي إيه!؟ لزقة إنجليزي!؟ ما عندهومش إحساس!؟ هو يوسف شاهين بقاله قد إيه بيخرج؟
صاد: زيادة عن 50 سنة.
سين: طيب! يبقالنا لسة عندهم 26 سنة, ولا فيه خيار وفقوس, ولا إيه!؟
صاد: الكلام ده على فكرة ـسيادتكـ كبير قوي! كلام كبير قوي زي الضربة القاضية! ليه يافندم ما قلتوش في البرنامج اللي سجله مع سيادتك عين!؟ كان حيحط العوازل بتوع كفاية في حجمهم الحقيقي.
سين: بلاش يوسف شاهين! أم كلثوم, قعدت كام سنة تغني؟
صاد: ستين سبعين! أو يمكن أكتر!
سين: يعني احنا لسة فاضل لنا في ذمتهم عشرة إتناشر مدة!
صاد: أقل ما فيها سيادتك!
سين: حدش قال لطه حسين: كفاية!؟
صاد: طه حسين أيه ده كمان!؟ ييجي إيه ده في سيادتك!؟ هي دي برضه ناس!؟
سين: على أي حال, كاف لقالنا التايهة!
صاد: خير؟
سين: بيقول إن جمهورية أفلاطون مافيهاش معارضة. طب بالعقل كده, إحنا حنكون أجدع من جمهورية أفلاطون!؟ إلا بالحق يا صاد! تطلع فين على الخريطة جمهورية أفلاطون دي؟
صاد: عارف سيادتك نيكارجوا؟ تعدي الدومينيكان وجواتيمالا وبوليفيا. أول فتحة على إيدك اليمين تسيبها. اللي بعديها على طول!
سين: تلاقي الريس بتاعها مِروق القناني ومِدّيها إستاكوزا وبطارخ! حلوة جمهورية أفلاطون دي يا صاد؟ مش كده بذمتك!؟
صاد: لذيذة طحن!
سين: مشهورة بإيه؟
صاد: بالحب الأفلاطوني.
سين: أيوه فعلاً! أنا دُقت الشيكولاتة دي قبل كده! إبقى فكرني أشيع الواد جيم يورد لنا كام طن شيكولاتة ماركة الحب الأفلاطوني من هناك!
صاد: على العموم, الجورنالجية اللي برة دول هم السبعة تمانية اللي دايماً يطلبوا أغنية مش كفاية يا حبيبي مش كفاية!
سين: عايزين إيه؟
صاد: بيسألوا إيه أخبار التغيير.
سين: خليهم مرزوعين.
صاد: برة!؟
سين: لأ. في مناصبهم.
صاد: إزاي بس يافندم!؟ دول خلاص. انتهى عمرهم الافتراضي. بيجيبوا جاز!
سين: مالهم!؟ ماهم عاملين زي كلاب السكك اهم! اللي يدوس لنا على طرف, بينهشوا لحمه. سنانهم مِعلِمة في جتت الأندال اللي بيحاسبونا بالمدة! إيه الشح ده!؟ قال على رأي المثل: رضينا بالهم..... إيه يعني خمسين ستين سنة في عمر الشعوب!؟ خليهم متلقحين يا صاد. إحنا بقى حيلتنا غيرهم!؟
صاد: الجرانين عَجِّزِت يا فندم! عايزة طقم سنان جديد, ياكل الزلط, علشان تفضل شباب زي حالاتنا كده!
سين: شالله ما عن حد طفح!
صاد: أنا باكره التغيير أكتر من سيادتك! بس الحكاية بظوطت ع الآخر!
سين: لسة قدامهم نفسين تلاتة, قبل ما يترموا في الطقطوقة! تمانين سنة يا صاد ما يبقوش عواجيز!
صاد: دابوا يافندم! اللسان دلدل والرباط اتفك والبوز اتلوى! وكل خرم وخرم, قد كده!
سين: يتعالجوا يا سيدي على نفقة الدولة عند أي صرماتي! بس خليه يتوصى بالفَرشة! الواحد ما بقاش حِمل كَلّوهات!!
صاد: ما تنساش سيادتك إن احنا خدناهم خرج بيت! كام رِجل قبلنا داست فيهم!؟ السكاند هاند كله كده! اللي تلاقيها فتحت بُقها, إخلص منها. الأشكال دي سيادتك الواحد بيتكعبل فيها على الرصيف, طول ماهو ماشي! بتتباع باللوط! أنا باقول ننقلهم جنينة الحيوانات, ولا نِشَحتهم لأي واحد من الزملا الجداد على الكار في المنطقة, يكون لسة غاوي تزييق!
سين: فين أيام القباقيب!؟ الفردة من دول كانت بتنفع يمين وتنفع شمال!
صاد: للأسف, إحنا في زمن مش بتاع طرقعة!
سين: ترشح مين يا صاد!؟
صاد: شوف سيادتك ده! القفا لوحده, بالصلاة على النبي, مالي الصورة! كله على بعضه قفا! ياخد ما يقولش لأ! وفيه منه على بني وزتوني وفوشيا وميتاليك!
سين: إوعا يا صاد يكون بيفكر!
صاد: الجمجمة خرابة! هُس هُس! مافيهاش صريخ ابن يومين! ترمي سيادتك الكلمة, ما تسمعش غير صدى صوتك!
سين: باين عليه مواطن صالح!
صاد: بص سيادتك ده بقى! تمعن سيادتك! بمقطورة! لزوم الشلاليت! 200, 300, ما يهمكش! بيشيل ياما!
سين: مِتقفل فين ده يا صاد؟
صاد: المعدة صيني! بيعمل 400 مقالة في الصفيحة! مالوش سيادتك شيكمان خالص! يملا الدنيا هباب من غير ما تدب المفتاح في الكونتاكت! الشسيه من هوليود, والكلاكس إسرائيلي!
سين: هاتله فيتيس من لندن, علشان يبقى مطابق لمواصفات الشرعية الدولية.
صاد: أما ده بقى سيادتك, فلُُقطة! ما تقولش لعدوك عليه! فول أوبشن! لأ وإيه!؟ الإزاز أسود غـطيس! أتحدى لو حد قدر يشوف اللي جوة! مسّاحات تِفافة رايحة جاية! ما بتوينش! جربه سيادتك على الريق قد 15 يوم! إن ما عجبكش, طَوحه بطول إيدك!
سين: إياك بس ما يطلعش يدوي! حاكم انا ما بقاش عندي مرارة للتغيير!
صاد: توماتيكي! خدامة سريلانكية 16نظام! إطمن على الآخر يافندم! كل واحد معاه الشهادة الصحية بتاعته! شوف سيادتك مكتوب هنا إيه: بتوقيع الكشف الطبي على المذكور, تبين أنه خالي تماماً من لموهبة أو المشاعر أو الوطنية أو الأخلاق أو الكرامة, أو أي أمراض معدية من هذا القبيل!
سين: المهم البعدا بتوع كفاية ويحيى الوطن وفلسطين والعراق وحرية التعبير والقرف ده, وهم بياخدوا الطريحة اللي هي في الشوارع, وهدوم البنات بتتمزع قدام عينيهم, يفضلوا فاكرين إن احنا جامدين قوي, وقاعدين لِما شاء الله! يتلموا أحسن لهم, ويبطلوا افترا على اللي ربنا عاطيهم من خيراته! شعوب أي كلام يابا! لكن اقول إيه!؟ إحنا برضه اللي غلطانين! جاتنا نيلة في حظنا الهباب! ما الشعوب في الدنيا كتير! ما تقعش قُرعتنا غير في الشعب اللبط ده!؟
ستار
بقلم: الدكتور أحمد يونس
القاهرة عشية تركيب طقم أسنان جديد
نوفي لما يسمى خطأً بالصحف القومية
تحذير هام
أي تشابه بين شخوص أو أحداث هذه التخريفة مع الواقع, أمس أو اليوم أو غداً, ليس أكثر من محض مصادفة, ولا يدل إلا على سوء النية لدى صاحب الافتراض...!
سين على مكتبه شارد الذهن, وهو ينظر إلى خياله على صفحة المرآة بإعجاب شديد, بينما يقترب صاد على أطراف أصابعه, وهو يلهث, حاملاً فوق رأسه وظهره وصدره وكتفيه مجموعةً ضخمةً من الزكائب الممتلئة عن آخرها بالملفات.
سين: إيه ده يا صاد؟ إنت خلاص حتهاجر؟ كل دي فلوس ناوي تهربها!؟
صاد: أهاجر مين يافندم!؟ أنا مع سـيادتك هنا لطالون.
سين: أمال إيه الزفت اللي انت شايله على دماغك ده؟
صاد: أوراق جاي اعرضها على سيادتك.
سين: إكتب مش موافق. حاكم انا ـبصراحة كده يا صادـ اتخنقت منك! يالله اجري دخلها هناك عند جيم في الجاكوزي! يمكن يحتاجها! إتحرك بقى يا صاد ما تبقاش لطظانة امال!
صاد: الأوراق ديه بالذات, لازم سيادتك شخصياً تبت فيها!
سين: أكلشيه الإمضا الرسمية بتاعتي عند جيم! فاكر فين الجاكوزي؟
صاد: ما ينفعش يافندم. الجورنالجية مِستنيين برة على نار!
سين: تاني يا صاد الجورنالجية!؟ ما تجيبليش سيرتهم!
صاد: الجورنالجية برضه فيهم عناصر مش بطالة!
سين: كام؟ السبعة تمانية اللي بنعلفهم دولارات, وسايبين لهم أنجر الفتة بحاله, يلغوا فيه على كيف اللي خلفوهم, لما بقى كرش أفقر واحد فيهم شايل مليارات. وبعد ما كانوا بيشحتوا سجاير من عمال المطبعة, بقوا بيهادوا بالعربيات الرولس رويز والمرسيدس!؟ قصدك على دولم, ولا العشرين تلاتين اللي نازلين زُنَب في السبعة تمانية, علشان يزيحوهم ويقعدوا مكانهم!؟ النصيبة في الأغلبية المنحرفة! إدعي يا صاد ربنا ياخدهم يا شيخ ويريحنا منهم! قادر يا كريم, هم وبتوع كفاية وقناة الجزيرة في يوم واحد! وعلى البيعة يوسف شاهين ومخيون ومحسنة توفيق وخالد يوسف والكل كليلة! ما تدعي يا صاد!
صاد: اللهم آمين يا رب العالمين!
سين: اللي ما فيه حاجة بتحوق فيهم! عُلَق, ورقعناهم! بنزين, ودلقنا في عينيهم! لقمة العيش ما بقوش لاقيينها! هدومهم قطعناها على النواصي! ما رحمناش مخلوق! بنات! ستات, عريناهم في عز الضهر الاحمر ! تشريح بالمطاوي! قنابل مسيلة للدموع! خراطيم ميه ورغاوي! عصيان سادة, وعصيان بالكهربة, وبلاوي متنقية جاية بشوكها من أمريكا, وهراوات آخر موديل فشر اللي شركاءنا في السلام بيضربوا بيها الفلسطينية! مافيش فايدة!
صاد: عالم جبلات بعيد عن سيادتك!
سين: خمسميت ظابط في لاظوغلي شغالينـ الله ينورـ تلفيق تهم, على كل لون يا بتستة! إشي آداب ومخدرات وتزوير في أوراق رسمية, دا غير تعريض السلم الاجتماعي للخطر والإثارة والتجمهر والتظاهر والتحريض على قلب نظام الحكم, وِشي ازدراء للسادة المسئولين وتريقة وتفتيح عين في كُبارات البلد! إيه ده يا جدع!؟ إيه ده!؟ أنا تعبت! داحنا لو بنحارب الصين الشعبية كان زمانها خلصت! ودول أبداً! فاضل إيه ما عملناهوش؟ عيال بلطجية رد سجون ـزي الفلـ نزلوا فيهم بالسِنج والجنازير! نسوان مسجلة آداب على أعلى مستوى, بالمَيت عشرين سابقة من اللي قلبك يحبها, فرشوا لهم الملاية وهاتك يا رزع بالروسية! أنا برضه بشر يا صاد! لحم ودم. مش ملاك عشان استحمل ده كله!
صاد: 24 سنة يافندم, وهم كاتمين علىنفسنا! 24 سنة × 12 شهر × 30 يوم! لأ, وفيه ستة منهم سنين كبيسة! يعني 366 يوم! كل سنة, نقول لسيادتك: معلش يافندم! اصبر عليهم كمان شوية! جايز يحطوا في عينهم حصوة ملح ويغوروا في ستين داهية! 24 سنة على قلبنا! يا ساتر! الإنسان منا لازم برضك يكون حسيس! ما يبركش كده على صدر البلد لغاية ما يفطصها!
سين: يا أخي أنا باستعجب! الناس دي إيه!؟ لزقة إنجليزي!؟ ما عندهومش إحساس!؟ هو يوسف شاهين بقاله قد إيه بيخرج؟
صاد: زيادة عن 50 سنة.
سين: طيب! يبقالنا لسة عندهم 26 سنة, ولا فيه خيار وفقوس, ولا إيه!؟
صاد: الكلام ده على فكرة ـسيادتكـ كبير قوي! كلام كبير قوي زي الضربة القاضية! ليه يافندم ما قلتوش في البرنامج اللي سجله مع سيادتك عين!؟ كان حيحط العوازل بتوع كفاية في حجمهم الحقيقي.
سين: بلاش يوسف شاهين! أم كلثوم, قعدت كام سنة تغني؟
صاد: ستين سبعين! أو يمكن أكتر!
سين: يعني احنا لسة فاضل لنا في ذمتهم عشرة إتناشر مدة!
صاد: أقل ما فيها سيادتك!
سين: حدش قال لطه حسين: كفاية!؟
صاد: طه حسين أيه ده كمان!؟ ييجي إيه ده في سيادتك!؟ هي دي برضه ناس!؟
سين: على أي حال, كاف لقالنا التايهة!
صاد: خير؟
سين: بيقول إن جمهورية أفلاطون مافيهاش معارضة. طب بالعقل كده, إحنا حنكون أجدع من جمهورية أفلاطون!؟ إلا بالحق يا صاد! تطلع فين على الخريطة جمهورية أفلاطون دي؟
صاد: عارف سيادتك نيكارجوا؟ تعدي الدومينيكان وجواتيمالا وبوليفيا. أول فتحة على إيدك اليمين تسيبها. اللي بعديها على طول!
سين: تلاقي الريس بتاعها مِروق القناني ومِدّيها إستاكوزا وبطارخ! حلوة جمهورية أفلاطون دي يا صاد؟ مش كده بذمتك!؟
صاد: لذيذة طحن!
سين: مشهورة بإيه؟
صاد: بالحب الأفلاطوني.
سين: أيوه فعلاً! أنا دُقت الشيكولاتة دي قبل كده! إبقى فكرني أشيع الواد جيم يورد لنا كام طن شيكولاتة ماركة الحب الأفلاطوني من هناك!
صاد: على العموم, الجورنالجية اللي برة دول هم السبعة تمانية اللي دايماً يطلبوا أغنية مش كفاية يا حبيبي مش كفاية!
سين: عايزين إيه؟
صاد: بيسألوا إيه أخبار التغيير.
سين: خليهم مرزوعين.
صاد: برة!؟
سين: لأ. في مناصبهم.
صاد: إزاي بس يافندم!؟ دول خلاص. انتهى عمرهم الافتراضي. بيجيبوا جاز!
سين: مالهم!؟ ماهم عاملين زي كلاب السكك اهم! اللي يدوس لنا على طرف, بينهشوا لحمه. سنانهم مِعلِمة في جتت الأندال اللي بيحاسبونا بالمدة! إيه الشح ده!؟ قال على رأي المثل: رضينا بالهم..... إيه يعني خمسين ستين سنة في عمر الشعوب!؟ خليهم متلقحين يا صاد. إحنا بقى حيلتنا غيرهم!؟
صاد: الجرانين عَجِّزِت يا فندم! عايزة طقم سنان جديد, ياكل الزلط, علشان تفضل شباب زي حالاتنا كده!
سين: شالله ما عن حد طفح!
صاد: أنا باكره التغيير أكتر من سيادتك! بس الحكاية بظوطت ع الآخر!
سين: لسة قدامهم نفسين تلاتة, قبل ما يترموا في الطقطوقة! تمانين سنة يا صاد ما يبقوش عواجيز!
صاد: دابوا يافندم! اللسان دلدل والرباط اتفك والبوز اتلوى! وكل خرم وخرم, قد كده!
سين: يتعالجوا يا سيدي على نفقة الدولة عند أي صرماتي! بس خليه يتوصى بالفَرشة! الواحد ما بقاش حِمل كَلّوهات!!
صاد: ما تنساش سيادتك إن احنا خدناهم خرج بيت! كام رِجل قبلنا داست فيهم!؟ السكاند هاند كله كده! اللي تلاقيها فتحت بُقها, إخلص منها. الأشكال دي سيادتك الواحد بيتكعبل فيها على الرصيف, طول ماهو ماشي! بتتباع باللوط! أنا باقول ننقلهم جنينة الحيوانات, ولا نِشَحتهم لأي واحد من الزملا الجداد على الكار في المنطقة, يكون لسة غاوي تزييق!
سين: فين أيام القباقيب!؟ الفردة من دول كانت بتنفع يمين وتنفع شمال!
صاد: للأسف, إحنا في زمن مش بتاع طرقعة!
سين: ترشح مين يا صاد!؟
صاد: شوف سيادتك ده! القفا لوحده, بالصلاة على النبي, مالي الصورة! كله على بعضه قفا! ياخد ما يقولش لأ! وفيه منه على بني وزتوني وفوشيا وميتاليك!
سين: إوعا يا صاد يكون بيفكر!
صاد: الجمجمة خرابة! هُس هُس! مافيهاش صريخ ابن يومين! ترمي سيادتك الكلمة, ما تسمعش غير صدى صوتك!
سين: باين عليه مواطن صالح!
صاد: بص سيادتك ده بقى! تمعن سيادتك! بمقطورة! لزوم الشلاليت! 200, 300, ما يهمكش! بيشيل ياما!
سين: مِتقفل فين ده يا صاد؟
صاد: المعدة صيني! بيعمل 400 مقالة في الصفيحة! مالوش سيادتك شيكمان خالص! يملا الدنيا هباب من غير ما تدب المفتاح في الكونتاكت! الشسيه من هوليود, والكلاكس إسرائيلي!
سين: هاتله فيتيس من لندن, علشان يبقى مطابق لمواصفات الشرعية الدولية.
صاد: أما ده بقى سيادتك, فلُُقطة! ما تقولش لعدوك عليه! فول أوبشن! لأ وإيه!؟ الإزاز أسود غـطيس! أتحدى لو حد قدر يشوف اللي جوة! مسّاحات تِفافة رايحة جاية! ما بتوينش! جربه سيادتك على الريق قد 15 يوم! إن ما عجبكش, طَوحه بطول إيدك!
سين: إياك بس ما يطلعش يدوي! حاكم انا ما بقاش عندي مرارة للتغيير!
صاد: توماتيكي! خدامة سريلانكية 16نظام! إطمن على الآخر يافندم! كل واحد معاه الشهادة الصحية بتاعته! شوف سيادتك مكتوب هنا إيه: بتوقيع الكشف الطبي على المذكور, تبين أنه خالي تماماً من لموهبة أو المشاعر أو الوطنية أو الأخلاق أو الكرامة, أو أي أمراض معدية من هذا القبيل!
سين: المهم البعدا بتوع كفاية ويحيى الوطن وفلسطين والعراق وحرية التعبير والقرف ده, وهم بياخدوا الطريحة اللي هي في الشوارع, وهدوم البنات بتتمزع قدام عينيهم, يفضلوا فاكرين إن احنا جامدين قوي, وقاعدين لِما شاء الله! يتلموا أحسن لهم, ويبطلوا افترا على اللي ربنا عاطيهم من خيراته! شعوب أي كلام يابا! لكن اقول إيه!؟ إحنا برضه اللي غلطانين! جاتنا نيلة في حظنا الهباب! ما الشعوب في الدنيا كتير! ما تقعش قُرعتنا غير في الشعب اللبط ده!؟
ستار
posted by تـــمّـــوز الـبابـلـي, ١١/٢٨/٢٠٠٥
0 Comments:
| "Join this group" مجموعة العروبيين : ملتقى العروبيين للحوار البناء من أجل مستقبل عربي افضل ليشرق الخير و تسمو الحرية | ||
|
Subscribe to Arab Nationalist | |
| Browse Archives at groups-beta.google.com | ||
This work is licensed under a Creative Commons License.
Anti War - Anti Racism
Let the downFall of Sharon be end to Zionism
By the Late, great political cartoonist Mahmoud Kahil
